धार्मिक ब्युरो । अंग्रेजी वर्षको पहिलो सूर्यग्रहण आज राति लाग्दैछ । नेपाली समय अनुसार यो ग्रहण राति १२ः०० बजे सुरु भई बिहान ३ः५२ बजे समाप्त हुनेछ।
यो ग्रहण मेष र भरणी नक्षत्रमा लाग्नेछ। यद्यपि यो आंशिक सूर्यग्रहण हो जुन भारत र नेपालमा देखिने छैन।
त्यसैले सुतकसँग सम्बन्धित नियमहरू पालना गर्न आवश्यक छैन। यद्यपि, ज्योतिषीहरूले नेपाल र भारतमा यो ग्रहणबाट सावधान रहन मानिसहरूलाई सल्लाह दिइरहेका छन्। तीन प्रमुख ग्रहहरूको दुर्लभ संयोजन यसको कारण मानिन्छ।
सूर्य–चन्द्रमा–राहु संयोग
यस ग्रहणमा सूर्य, चन्द्रमा र राहुको संयोग हुने ज्योतिषीहरुले बताएका छन् । यस संयोगमा शनिको पनि दृष्टि रहनेछ। सूर्य, राहु र शनिको प्रभावले दुर्घटनाको सम्भावना छ ।
मेष राशिमा लागेको ग्रहणले विश्वभर युद्ध र विस्फोटको सङ्केत गर्छ। भारतको पूर्वी तर्फ चीन, जापान र बंगलादेशको पक्षमा थप समस्या हुन सक्छ ।
सूर्य ग्रहणको समयमा के गर्न हुँदैन
सूर्यग्रहणको समयमा गर्भवती महिलाहरूले धेरै सावधान रहनुपर्छ। ग्रहणको समयमा गर्भवती महिलाहरूले धारिलो औजारको प्रयोग गर्नु हुँदैन ।
यस समयमा पूजा गर्नु हुँदैन। ग्रहणको समयमा सूर्यको प्रकाशमा बाहिर निस्कनु हुँदैन। ग्रहणलाई नाङ्गो आँखाले हेर्नु हुदैन । यस अवधिमा कुनै पनि यात्रा स्थगित हुनुपर्छ।
यी ५ राशिका लागि होसियार हुनुहोस्
मेष – वर्षको पहिलो सूर्यग्रहण मेष राशिमा मात्र लाग्ने भएको छ । त्यसैले यस राशिका व्यक्तिहरूले आफ्नो स्वास्थ्य र दुर्घटनाको ख्याल गर्नुपर्छ। करियर र पढाइमा समस्या आउन सक्छ।
वृष – वृष राशिका व्यक्तिहरूले आफ्नो व्यापार र दाम्पत्य जीवनमा पनि ध्यान दिनु पर्ने देखिन्छ। सानातिना स्वास्थ्य समस्यालाई पनि बेवास्ता नगर्नुहोस्।
सिंह – सिंह राशिका व्यक्तिहरूले अनावश्यक चिन्ता र विवादको सामना गर्नुपर्नेछ। बुवा र घरका ठूलाको स्वास्थ्यको ख्याल गर्नुहोला ।
तुला – पारिवारिक जीवनमा ख्याल गर्नुपर्नेछ। दुर्घटना हुन सक्छ। व्यापार तथा पैसाको लेनदेनमा विशेष ध्यान दिनुहोला ।
मकर – मकर राशिका व्यक्तिहरूले यस समयमा आफ्नो करियरमा जोखिम लिनु हुँदैन। नोकरी(व्यवसायमा ठूलो परिवर्तन तपाईका लागि हानिकारक हुन सक्छ।
