भोट माग्दामाग्दै मन्त्री नारायण खड्का लखेटिए

राजनिति

काठमाडौं । परराष्ट्र मन्त्री डा. नारायण खड्काले मौन अवधीमा चुनाव प्रचार गर्न थालेपछि स्थानीयले लखेटेका छन् ।उहाँले मौन अवधीको खुलेआम उल्लंघन गर्दै आज उदयपुरमा आफ्नो पार्टीका लागि भोट माग्नुभएको छ ।

स्थानीय निर्वाचन प्रयोजनका लागि मौन अवधी सुरु भइसकेको छ । यस्तो अवधीमा चुनाव प्रचारप्रसार गर्न पाइँदैन ।कांग्रेस केन्द्रीय सदस्य समेत रहनुभएका डा। खड्का आज बिहान उदयपुरको जलजले पुग्नुभएको थियो । उहाँले स्थानीय मुस्लिम बस्तीमा पुगेर भोट माग्नुभएको हो ।

मन्त्री खड्काको साथमा त्रियुगा नगरपालिमा कांग्रेसका मेयर उम्मेदवार वसन्त बस्नेत र वडा नम्बर ६ का अध्यक्ष उम्मेदवार कृष्ण बुढाथोकी पनि हुनुहुन्थ्यो ।जलजलेका जगरनाथ दासको घरमा स्थानीयलाई भेला गरी मन्त्री खड्काले एउटा सानो समारोह गर्नुभएको थियो ।

समारोहमा मन्त्री खड्काले कांग्रेसका लागि भोट मागिरहँदा नेकपा एमाले सम्वद्ध राष्ट्रिय युवा संघका कार्यकर्ताले अवरोध गरेका थिए । युवा संघका कार्यकर्तालाई स्थानीयले पनि साथ दिएको थियो ।

मन्त्रीको टोलीको प्रतिकार हुने अवस्था देखिएपछि मन्त्रीको टोली भागेको थियो ।जलजलेबाट भागेको मन्त्री खड्काको टोली भोट माग्नकै लागि त्रियुगा नगरपालिका वडा नम्बर ६ को स्कूल टोलमा पसेको थियो ।

त्यहाँ पनि स्थानीयसँग विवाद भएपछि मन्त्रीको टोली पछाडि हटेको थियो । एमालेका स्थानीय नेता रमाकान्त चौधरीले मन्त्री सहितको टोलीलाई आफूहरुले लखटेको बताउनुभयो ।

Leave a Reply

Your email address will not be published.