चितवनमा बढ्यो रेनुको रेस, विजय भन्दा ११ सय मतले अगाडि

राजनिति समाचार

भरतपुर महानगरपालिकामा नेकपा (माओवादी केन्द्र) की उमेद्वार रेनु दाहालले मतान्तर फराकिलो बनाउँदै लागेको छन्।

वडा नं ६को मतगणना चलिरहँदा दाहाल १ हजार ११९ मत मतान्तर बनाएकी छन्। भरतपुरमा २५हजार ३५८ मतगणना हुँदा दाहालले ९ हजार ११ मत ल्याएर आफूलाई अग्रस्थानमा राखेकी छिन्। त्यस्तै दाहाललाई पछ्याउँदै विजय सुवेदीले ७ हजार ८९२ मत ल्याएका छन्।

स्वतन्त्र उम्मेदवारी दिएका जगन्नाथ पौडेलले ४ हजार ११२ मत प्राप्त गरेका छन्। यस्तै उपप्रमुखमा कांग्रेसका चित्रसेन अधिकारीले मतान्तर बढाउँदै लगेका छन्। उनले १० हजार ७७४ मत ल्याएका छन्। अधिकारीलाई पछ्याउँदै राप्रपाकी हिमाल गुरुङले ६ हजार ४५४ मत प्राप्त गरेकी छन्। अहिले भरतपुर ६ नम्बर वडाको मतगणना जारी छ। यस वडामा अध्यक्षमा भने एमाले अगाडी छ।

गुलरिया नगरपालिकामा कांग्रेसका उम्मेदवार विजयी-बर्दिया । बर्दियाको गुलरिया नगरपालिकाको मेयर र उपमेयर दुवै पदमा नेपाली कांग्रेसका उम्मेदवार विजयी भएका छन् । मेयरमा मुक्तिनाथ यादव र उपप्रमेयरमा सवित्रा गौतम निर्वाचित भएका हुन् ।

मेयरमा निर्वाचित गौतमले ७ हजार ९८९ मत पाएका छन् । उनका निकटतम प्रतिस्पर्धी नेकपा एमालेका अमर बहादुर खड्काले ७ हजार ८११ मत पाए । मेयरका अर्का प्रत्यासी नेकपा माओवादी केन्द्रका गेहेन्द्र प्रसाद ढकालले ५ हजार १०, जनमत पार्टीका मंगरे गोडियाले ३ हजार ४७५, राप्रपाका सुजित राय श्रीवास्तवले १ हजार ५८३ र जसपाका सुधाकर मिश्रले १ हजार ४२४ मत पाएका छन् ।

गुलरिया नगरपालिकाको उपमेयर पदमा नेपाली कांग्रेसकी सावित्रा गौतम ८ हजार २०७ मतसहित विजयी भइन् । उनको निकटतम प्रतिस्पर्धी नेकपा एमालेकी टिका कुमारी समसेली मगरले ७ हजार ४६२ मत पाइन् ।

Leave a Reply

Your email address will not be published.