माधव नेपालले फिर्ता बोलाएका मन्त्रीहरुलाई पर्यो यति ठूलो चिठ्ठा, कोटेश्वरमा तनाव !

राजनिति

काठमाडौं । नेकपा (एकीकृत समाजवादी) ले फिर्ता बोलाउने भनेका मन्त्रीहरुलाई ठूलो चिठ्ठा परेको छ । ती मन्त्रीहरुलाई काममा फर्कन प्रधानमन्त्री शेरबहादुर देउवाले निर्देशन दिएपछि उनीहरुलाई चिठ्ठा परेको हो ।

हिजोमात्रै एकीकृत समाजवादीका अध्यक्ष माधवकुमार नेपाल पार्टीको निर्णयअनुसार अहिले भएका मन्त्रीहरु हटाएर नयाँ मन्त्रीहरु बनाउनेगरि नाम लिएर बालुवाटार पुगेका थिए । तर नेपालको योजनामा तुषारापात भएको छ ।

तर, प्रधानमन्त्री देउवा भने माधव नेपालको यस्तो निर्णयबाट असन्तुष्ट सुनिए । उनले हिजै माधव नेपाललाई अहिले मन्त्रीहरु हटाउने काम गर्न नहुने धारणा राखेका थिए । त्यसको भोलिपल्ट आज मन्त्रीहरु नै बालुवाटार पुगेर आफूहरुलाई तत्काल नहटाउन प्रधानमन्त्री देउवासमक्ष आग्रह गरेका थिए । अहिले ती मन्त्रीहरुले पार्टीभित्रै विद्रोहको तयारी थालेका छन् । उनीहरुहरुसहित १८ सांसद एकजुट भएको बुझिएको छ ।

शहरी विकासमन्त्री रामकुमारी झाँक्रीले प्रधानमन्त्री देउवाले आफूहरुलाई काममा फर्कन निर्देशन दिएको सुनाईन् । उनले भनिन्–‘प्रधानमन्त्रीज्यूले बोलाएर हामीलाई काममा फर्कन निर्देशन दिनुभएको छ, हामी काममा फर्किन्छौं । उहाँले बजेट भर्खरै आएको छ, यसबारे उठेका प्रश्नको जवाफ दिनुपर्नेछ, अहिले हटाउने कुरा छैन् भनेर भन्नुभएको छ।’ उनले आफूहरुलाई सरकारबाट फिर्ता बोलाउनेबारे पार्टीले निर्णय गरेपनि अहिलेसम्म जानकारी नभएको बताईन् ।

यस्तै यता देउवा सरकारमा भएका ती मन्त्रीहरु भने पार्टी नेतृत्वप्रति असन्तुष्ट छन् । उनीहरु पार्टीको नेतृत्वलाई चूनौति दिँदै अहिले सरकारबाट फिर्ता नहुने पक्षमा उभिएका छन् ।

आज विहानमात्रै उनीहरुले प्रधानमन्त्री शेरबहादुर देउवालाई भेटेर आफूहरुलाई नहटाउन आग्रह गरेका थिए । प्रधानमन्त्री देउवा पनि अहिले मन्त्रीहरु हेरफेर गर्ने पक्षमा देखिएका छैनन् । तर, एकीकृत समाजवादीका अध्यक्ष माधवकुमार नेपाल र सम्मानित नेता झलनाथ खनालले भने तत्काल पार्टीले सिफारिश गरेबमोजिम मन्त्रीहरु हेरफेर नगरे सरकारलाई दिएको समर्थन फिर्ता लिनेसम्मको चेतावनी दिएका छन् । प्रधानमन्त्री देउवा पनि अहिले दबाबमा छन् ।

Leave a Reply

Your email address will not be published.