सिसडोलका स्थानीयको घरमै घुसेर प्रहरीले लाठी चार्ज गरेको बिषयमा बल्ल बोले बालेन, आफूमाथि खनिनेको बोली नै भयो बन्द हुनेगरी फर्काए ‘ट्याक्टिकल’ जवाफ (भिडिओसहित)

समाचार

काठमाडौं । काठमाडौंको फोहोर थुपार्ने स्थल नुवाकोटको सिसडोलमा केही दिनअघि सुरक्षाकर्मीले स्थानियको घरमै घुसेर लाठी चार्ज गरे त्यसको व्यापक आलोचना भयो । त्यसक्रममा प्रहरी र स्थानीयबीच झडप भयो । उक्त घटनालाई लिएर कतिपयले महानगरका मेयर बालेन्द्र साहको चर्को आलोचनासमेत गरे ।

साहले सिसडोलवासीको समस्यामा सहानुभूति दर्साउँदै उनीहरूमाथि कुनै बल प्रयोग नगर्ने प्रतिबद्धता जनाएकोमा त्यसको उल्लंघन गरेको आरोप लगाइयो । आफ्नो आलोचना गर्नेलाई बालेनले ट्याक्टिकल जवाफ फर्काएका छन् ।

आइतबार बसेको काठमाडौं महानगरको दोसा्रे नगर कार्यपालिका बैठकमा एक वडाध्यक्षले यो विषय उप्काएपछि बालेनले रणनीतिक जवाफ दिएका छन् । उनले सिसडोलबासीविरुद्ध बल प्रयोग भएको सन्दर्भमा मेयर साहसँग प्रष्टीकरण मागेका थिए ।

‘अस्ति सिसडोलमा फोहोर फाल्ने क्रममा शक्ति प्रयोग भएको देखियो । कहाँबाट भएको हो मेयर गृहमन्त्री वा सहरी विकास मन्त्रालयको निर्देशनमा भएको हो जानकारी दिइयोस् ।’ यसमा मेयर साहले सिधा जवाफ दिएनन् । उनले घुमाउरो ढंगले बल प्रयोगमा महानगरको हात नभएको बताए ।

साहको जवाफ यस्तो थियो ‘पहिले काठमाडौं महानगरपालिकाको अधिकार क्षेत्र के–के पर्छ भन्ने बुझ्नुपर्छ । महानगरसँग सुरक्षाका रूपमा नगर प्रहरी मात्रै छ । जनपद प्रहरी, नेपाली सेना, एपीएफलगायत गृह मन्त्रालय मातहतमा हुन्छन् । यति भनिसकेपछि अरू केही भन्न पर्छ जस्तो लाग्दैन ।’वडाध्यक्षले महानगरले नै गृहलाई प्रहरी परिचालनका लागि पत्र पठाएको हो कि भन्ने थप जिज्ञासा राखे । त्यसलाई पनि साहले इन्कार गरे ।

‘त्यसरी हामीले पत्र पठाउन पाइँदैन । गृह मन्त्रालयलाई महानगरले कसरी पत्र पठाउन मिल्छ ? गृह मन्त्रालय छुट्टै निकाय हो । ऊसँगै छ सशस्त्र, जनपद प्रहरी र नेपाली सेना । दोस्रो कुरा, महानगरपालिकाको मात्रै फोहोर गएको होइन सिसडोलमा । त्यहाँ २२÷२३ वटा नगरपालिकाको फोहोर जान्छ । त्यही भएर यस्तो प्रश्न महानगरपालिकालाई सोधिनुपर्छ जस्तो लाग्छ ।’ मेयर साहले जवाफ दिँदा एउटा तथ्यगत त्रुटि गरेका थिए । उनले नेपाली सेना गृह मन्त्रालय मातहत पर्ने बताए । यद्यपि, सेना रक्षा मन्त्रालय मातहत हुन्छ ।

Leave a Reply

Your email address will not be published.