‘बालेन’ को नयाँ सपना छायो सामाजिक सञ्जालमा (भिडियोसहित)

समाचार

काठमाडौँ – काठमाडौँ महागरपालिकाका नवनिर्वाचित मेयर बालेन्द्र साह उर्फ बालेनको नयाँ सपना सामाजिक सञ्जालमा छाएको छ । निर्वाचित भएको दिनदेखि नै अहोरात्र जनताको सेवामा खटिएका बालेनको नयाँ सपनाको प्रशंसा गर्दै धेरैले सामाजिक सञ्जालमा सेयर गर्दै भाइरल नै बनाएका हुन् ।

बालेनले लोकप्रिय सामाजिक सञ्जाल फेसबुकमा सबैको मनछुने स्टाटस लेखेका छन् । उनले आफ्ना मनका बहहरु पोख्दै जिम्मेवारीले गर्दा व्यस्तता बढेको बताएका छन् । साथै, जिन्दगी पनि सहज नबनेको उनको भनाई छ । साना बालबालीकासँग फुटबल खेल्दै गर्दाको सानो भिडियो क्लिप सहित बालेनले आफ्ना कुराहरु सेयर गरेका छन् ।

आफू सामान्य जीन्दगीमा रमाउँन चाहेको भन्दै उनले अहिले केहि असामान्य जस्तो देखिएको भनेका छन् ।मेयर शाहले लेखेको स्टाटस छोटो समयमै सामाजिक संजालमा भाइरल भएको छ ।

उनको स्टाटसमा दशौँ हजार लाइक आएको छ भने प्रतिक्रियाहरु पनि निकै ठूलो संख्यामा आइरहेको छ । प्रतिक्रिया दिनेहरुले उनीबाट ठूलो आशा देखिएको भन्दै सफलताको शुभकामना दिइरहेका छन् ।

मेयर शाहले आफ्नो सामाजिक संजालमा यस्तो लेखेका छन्, ‘चाहना यो हो कि म यसरी नै जहाँ पनि पुग्न सकौँ सँधै । साना भाईबहिनीहरु गल्लिमा खेल्दै गर्दा म त्यहिँ पुगौँ । घरघरमा आराम हुनुहुन्छ भन्दै पुगौँ । हरेकले सुनाउनु पर्ने समस्याका कुरा सहजै सुन्न सक्ने ठाउँमा भइरहुँ । म पुग्नै नसक्ने र भेट्नै नसक्ने बन्न नपरोस् । आम मान्छेको प्रतिनिधी मात्रै हु म । आममान्छे जस्तै हुन सकौँ ।’

उनले अगाडि लेखेका छन्, ‘सम्भवतः अहिले नयाँ भएर, धेरै चासोले गर्दा, व्यस्त भएर, समय अभावले गर्दा अलिक, असामान्यु भइरहेको जस्तो लाग्छ । अहिलेको दौडधुप र हतारो त्यो बनाउनका लागि हो कि कुनै दिन महानगरको व्यवस्थापन यति नियमित बनोस्, मेयर फुर्सदिलो बनोस् । अनि यसरी नै भेटियोस् । र, महानगर आफ्नै गतिमा सहज ढंगले अगाडि बढिरहोस् । सपना यति हो । चाहना यति हो । लक्ष्य यति हो ।’

https://video.fbir5-1.fna.fbcdn.net/v/t39.25447-2/287589968_1113314072579439_7296943899672215557_n.mp4?_nc_cat=103&vs=364fa2b111a7e39b&_nc_vs=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%2BARsHiAFzBDU4NjMCY2QKMjAyMi0wNi0xMwNyY2IGNzU3MjAwA2FwcBlQYWdlcyBNYW5hZ2VyIGZvciBBbmRyb2lkAmN0GUNPTlRBSU5FRF9QT1NUX0FUVEFDSE1FTlQTb3JpZ2luYWxfZHVyYXRpb25fcwczMi41NjY3AnRzFHByb2dyZXNzaXZlX29yZGVyaW5nAA%3D%3D&ccb=1-7&_nc_sid=edb743&efg=eyJ2ZW5jb2RlX3RhZyI6Im9lcF9zZCJ9&_nc_ohc=CJhw0pXVDoYAX-xXKNU&_nc_ht=video.fbir5-1.fna&edm=AGo2L-IEAAAA&oh=00_AT8yYsEYR_pG4gNqCxTeAMvsnsXGJDcjwuzmvq3wmlXE8Q&oe=62AEBEFE&_nc_rid=424200988412877

Leave a Reply

Your email address will not be published.