क्यान्सरसँग लडिरहेकी मिस इण्डिया अभिनेत्री महिमा चौधरीको अनुहारबाट ६७ सिसाका टुक्रा हटाइयो

मनोरंजन

काठमाडौं । फिल्म ‘परदेस’ बाट बलिउडमा आफ्नो पहिचान बनाएकी अभिनेत्री महिमा चौधरी स्तन क्यान्सरसँग लड्दै छिन् । उनी पूर्व मिस इण्डिया समेत हुन् ।हालै उनको एउटा भिडियो बलिउड अभिनेता अनुपम खेरले आफ्नो इन्स्टाग्राम अकाउन्टमा सेयर गरेका छन् ।

यस भिडियोमा महिमा चौधरीले अनुपम खेरले उनलाई एउटा प्रोजेक्टका लागि कसरी अप्रोच गरेका थिए, त्यसपछि उनले आफ्नो रोगबारे खुलाएकी थिइन् भन्ने कुरा खुल्न आउँछ ।

साढे सात मिनेटको यो भिडियोमा महिमा कुरा गर्दा निकै भावुक देखिन्छिन् । अनुपम खेरले आफ्नो सामाजिक सञ्जालमा पोस्ट गर्दै उनलाई क्यान्सरसँग लड्ने ‘नायक’ भनेका छन् ।

महिमाले महिलालाई प्रेरणा दिनेछिन्-भिडियो सेयर गर्दै अनुपमले लेखेका छन्, ‘मेरो ५२५ औँ फिल्म ‘द सिग्नेचर’ मा भूमिकाका लागि एक महिनाअघि अमेरिकाबाट महिमा चौधरीलाई फोन गरेँ । हामीसँग राम्रो कुराकानी भएको थियो ।

तर जब उनले मलाई स्तन क्यान्सरसँग लडिरहेको बताइन् म अचम्ममा परे । क्यान्सरसँग जितेकी उनले यसअघि कहिलै कसैलाई बताइनन् । तर साहासका साथ लडिन् उनको जीवन शैली र उनको मनोवृत्तिले विश्वका धेरै महिलाहरूलाई नयाँ प्रेरणा दिन सक्छ।

सन् १९९० मा मिस इन्डियाको ताज जितेकी थिइन्
फिल्म ‘परदेस’ मा गंगाको भूमिका निभाएकी निर्दोष केटी महिमा चौधरीको अनुहार भुल्न जो कोहीलाई सजिलो छैन ।

उनको जन्म १३ सेप्टेम्बर १९७३ मा दार्जिलिङमा भएको थियो । उनले डाउनहिल स्कुलबाट हाईस्कूलको शिक्षा हासिल गरिन् । त्यसपछि उनले दार्जिलिङको लोरेटो कलेजबाट थप अध्ययन पूरा गरिन् ।

सन् १९९० मा उनले पढाइ छाडेर मोडलिङ संसारमा करियर सुरु गरेकी थिइन् । सुरुमा उनले केही समय मोडलको रुपमा पनि काम गरिन् र धेरै मोडलिङ असाइनमेन्ट पूरा गरिन् ।

महिमा चौधरी पहिलो पटक ऐश्वर्या राईसँग पेप्सीको विज्ञापनमा देखिएकी थिइन् । यसै क्रममा उनी सन् १९९० मा मिस इन्डियाको विजेता पनि भइन् ।

सुभाष घईले क्यारियर शुरुवात गारए-करियरको शुरुवातमा उनले केही च्यानलमा भिडियो जकीको रुपमा काम गर्थिन् ।

यहाँ उनलाई चर्चित निर्माता निर्देशक सुभाष घईले पहिलो पटक देखेका थिए । उनलाई देखेपछि घईले उनलाई आफ्नो ठूलो फिल्ममा नायिकाको रुपमा साइन गर्ने सोच बनाए ।

सुभाष घईले सन् १९९७ को फिल्म ‘परदेस’ मा उनलाई ठूलो स्थान दिएका थिए । महिमा चौधरीको अभिनय करियर यही फिल्मबाट सुरु भएको थियो । बलिउडका रोमान्स किंग भनिने शाहरुख खान यस फिल्ममा उनीसँग रोमान्स गर्दै देखिएका थिए । यो फिल्मका गीतहरु आज पनि गाइन्छ ।

बलिउडका धेरै फिल्ममा अभिनय गरेकी छिन्
उनलाई फिल्म ‘परदेस’का लागि फिल्मफेयर उत्कृष्ट नयाँ कलाकारको अवार्ड पनि दिइएको थियो ।

त्यसपछि उनी फिल्म दाग द फायरमा दोहोरो भूमिकामा देखिइन् । यो फिल्मपछि उनले धेरै चुनौतीपूर्ण भूमिका खेलिन् ।

‘लज्जा’ मा उनी दाइजो प्रथाविरुद्ध आवाज उठाउँदै विवाह मण्डपमा आफ्नो विवाह तोड्ने बलियो पात्रको रुपमा देखिएकी छन् । उनको यो भूमिकाको निकै प्रशंसा भयो ।

यसपछि उनी ‘ये तेरा घर, ये मेरा घर’, ‘ओम जय जगदीश’, ‘दिल है तुम्हारा’, ‘धडकन’, ‘कुरुक्षेत्र’, ‘बागबान’ जस्ता फिल्ममा देखिइन् । महिमा पछिल्लो पटक सन् २०१६ मा बंगाली क्राइम थ्रिलर ‘डार्क चकलेट’ मा देखिएकी थिइन् ।

टेनिस खेलाडी लिएन्डर पेसको मन छोयो
महिमाले आफ्नो पहिलो फिल्म ‘परदेस’ बाट मानिसको मन जितिन् तर भारतीय टेनिस खेलाडी लिएन्डर पेसले उनको मन जितेका थिए ।

महिमा र खेलाडी लिएन्डर पेस एकअर्कालाई डेट गर्न थाले। मिडियामा यी दुईबीच निकै चर्चा भएको थियो तर लिएन्डर पेस अभिनेत्री रिया पिल्लईसँग नजिकिएपछि महिमालाई समस्या भएको थियो । लिएन्डर पेस र महिमा चौधरीको सम्बन्ध चाँडै टुट्यो।

महिमा चौधरीको विवाह
महिमाले सन् २००६ मा आर्किटेक्ट व्यवसायी बबी मुखर्जीसँग विवाह गरेकी थिइन् । उनको विवाहबाट एरियाना नामको छोरी छिन् ।

सन् २०१३ मा महिमा बबी मुखर्जीसँग अलग भइन् । २०११ सम्म उनीहरुको वैवाहिक सम्बन्ध सामान्य थियो तर पछि मिडियामा उनीहरु दुवै चलिरहेको मतभेदका कारण अलग्गै बस्दै आएको खबर आएको थियो ।

महिमाले एक अन्तर्वार्तामा बबीसँग धेरै कुरामा झगडा हुने गरेको बताएकी थिइन् । त्यो विवाहमा उनी खुशी थिएनन् ।

महिमाले पनि दुःखका दिनमा श्रीमानले साथ नदिएको बताइन् । महिमा अहिले छोरी आरियानासँग जीवन बिताइरहेकी छन् । सम्बन्धविच्छेदपछि महिमाले पनि बलिउडमा कमब्याक गर्ने प्रयास गरिन् तर त्यसमा उनी सफल हुन सकिनन् ।

एक दुर्घटना जसले करियर बर्बाद गर्यो
महिमाले एक अन्तर्वार्तामा आफूलाई कार दुर्घटनाले शारीरिक र मानसिक रूपमा भाँचिएको बताएकी थिइन् ।

त्यतिबेला महिमाले चर्चित निर्माता–निर्देशक प्रकाश झासँग अजय देवगन र काजोलको १९९९ मा होम प्रोडक्सनको फिल्म ‘दिल के करे’ मा काम गरिरहेकी थिइन् । त्यो बेला उनी बैंगलोरमा थिइन् ।

एक दिन उनी सुटिङका ​​लागि जाँदै गर्दा एउटा ट्रकले उनको कारलाई ठक्कर दियो । ठक्कर यति डरलाग्दो थियो कि कारको सिसा उनको अनुहारमा फुट्यो । त्यतिबेला महिमाको अवस्था यस्तो थियो कि उनी बाँच्न नसक्ने अवस्थामा पुगेकी थिइन् ।
अनुहारबाट ६७ वटा सिसाका टुक्राहरू हटाइयो । महिमाले एक अन्तर्वार्तामा आफ्नो दुर्घटनाको कुरा गर्दै भनिन्, दुर्घटना त भयानक भयो तर त्यसपछि मलाई कसैले अस्पताल लगेन । आफू कुनै न कुनै रूपमा अस्पताल पुग्न सफल भए ।

अस्पताल पुगेपछि उनकी आमा र अजय देवगन उनलाई भेट्न आएका थिए ।

दुर्घटनापछि पहिलो पटक ऐनामा अनुहार देख्दा उनको होश उडायो । उनको पुरै अनुहारमा टाँका मात्रै देखिन्थे । डाक्टरले उनको शल्यक्रिया गरी अनुहारबाट ६७ वटा सिसा निकाले ।

लामो समय अन्धकारमा बस्नुपर्ने भयो

यो दुर्घटनापछि महिमाले आफूलाई धेरै ध्यान दिनुपरेको थियो । उनलाई घाममा आउन निषेध गरिएको थियो, उसको कोठा सधैं अँध्यारो थियो।

किनभने उनको अनुहारमा प्रकाश पर्नु हुँदैन थियो ।

चलचित्रहरु देखि टाढा
यही घटनाका कारण महिमा फिल्मबाट टाढा बस्नुपरेको थियो । जब उनीसँग यो घटना भयो, तब महिमासँग बलिउडका धेरै ठूला फिल्म थिए ।

उनको अनुहार बिग्रिएपछि सबैले आफ्नो पाइला हटाएर अन्य कलाकारलाई नायिकाको रुपमा अनुबन्ध गरेका थिए ।

महिमा भन्छिन् कि दुर्घटना पछि अन्तिम सम्म अजय देवगनले उनको साथ छोडेनन्। उनी उनलाई भेट्न आइरहे । उनले आफ्नो एउटा फिल्ममा पाहुनाको भूमिका पनि दिएका थिए ।

तर, त्यसपछि महिमा फिल्मबाट सधैंको लागि टाढा भइन् । अब महिमा चौधरीको जीवनमा अर्को ठूलो समस्या आएको छ, उनलाई स्तन क्यान्सर छ । तर महिमा ढुक्क छिन् कि उनी यो कठिनाइसँग पनि लड्छिन् र फेरि बलिउडमा आफ्नो भाग्य चम्काउनेछिन्।

Leave a Reply

Your email address will not be published.