केही समयका लागि सामाजिक सञ्जालबाट टाढा रहेकी समीक्षाले अहिले आएर किन यसो गरिन ?

मनोरंजन

नेपाली गायन क्षेत्रमा समीक्षा अधिकारी चलेको नाम हो । लामो समयको ब्रेकपछि उनी पुनः सांगीतिक क्षेत्रमा सक्रिय भएकी छन् । गीत संगीत मात्रै नभएर उनले सामाजिक सञ्जाललाई समेत केही समयका लागि विदा गरेकी थिइन् ।

तर तीज नजिक आएपछि हिजोआज उनी दिनहुँजसो नयाँ–नयाँ गीतमा आवाज दिनमा व्यस्त रहने गर्छिन् । उनले स्वर दिएका गीतहरू युट्युवमा सार्वजनिक समेत भइरहेका छन् । उनले सामाजिक सञ्जालबाट गीत रेकर्डिङका तस्वीर पनि फ्यानका लागि राख्ने गरेकी छिन् । तर पछिल्लो समय उनले फेसबुकमा कमेन्ट लिमिट गरेकी छिन् । समीक्षाको पोष्टमा जो कोहीले कमेन्ट गर्न मिल्दैन् ।

धेरै नकारात्मक कमेन्ट आएपछि उनले फेसबुकमा सीमितले मात्रै कमेन्ट गर्न मिल्ने बनाएकी हुन् । यदि तपाईं सार्वजनिक व्यक्तित्व, सिर्जनाकर्ता वा ब्रान्ड हुनुहुन्छ, आफूलाई सुरक्षित महसुस गर्न सबैका लागि गरिएका पोस्टहरूमा टिप्पणी गर्ने दर्शकहरूलाई सीमित गर्न सक्नुहुन्छ ।

यो पनि, अभिनयमा राज कुन्द्राको डेब्यु

गतवर्ष पोर्नोग्राफी केसमा मुछिएर ६४ दिनसम्म जेलको हावा खाएका राज कुन्द्राले अभिनयमा डेब्यू गरेका छन् । बलिउड अभिनेत्री शिल्पा शेठ्ठीका पति राजले गत महिना ‘यूटी नम्बर ६९’ नामक फिल्मको सुटिङ मुम्बईमा पूरा गरेका छन् ।

सुटिङको लोकेशन मुम्बईको सब–अर्बन इलाका मीरा रोडमा स्थित डब्बा फ्याक्ट्रीमा थियो । फिल्मको नाम आर्थर रोड जेलको त्यो ब्यारेकसँग सम्बन्धित छ, जहाँ राज कैदीका रुपमा बन्द थिए । फिल्मको सुटिङ १८ दिनमा सम्पन्न भएको थियो । अब यसलाई ओटीटी प्राइम भिडियोलाई बेच्ने तयारी भइरहेको छ ।

‘फिल्ममा राज कुन्द्रा आफैंले अभिनय गरेका छन् । आर्थर रोड जेलमा जब उनी थिए, त्यहाँ जे कुरा उनीमाथि भयो, त्यसलाई फिल्मको कथामा देखाइएको छ । फिल्मलाई गुपचुप सुटिङ गरिएको छ । फिल्मको सेकेण्डरी कास्टमा अरु कोही छैनन् । फिल्मको चर्चा बढी नहोस् भनेर राजले कोही कलाकार लिएनन्’, फिल्म निकट स्रोतले भनेको छ ।

फिल्मका कास्ट एण्ड क्रु पनि एक दुई वटा फिल्ममा काम गर्ने मात्र छन् । ब्यानरको नाम द बिगर पिक्चर हो । फिल्मको निर्देशन शाहनवाज अलीले गरेका छन् । आर्ट डिरेक्टर नीरजकुमार सिंहले डब्बा फ्याक्ट्रीलाई आर्थर रोड जेलमा रुपान्तरण गरेका हुन् ।

Leave a Reply

Your email address will not be published.