टर्कीमा सोमबार बिहान उज्यालो नहुँदै आएको भूकम्पले अहिलेसम्म झन्डै १० हजार मानिसले ज्यान गुमाएका छन्। तीमध्ये २ हजार ५ सय जति मानिस छिमेकी मुलुक सिरियाका हुन्। भूकम्पको धक्काले उत्तरी सिरियामा पनि ठूलो क्षति भएको छ। अहिले पनि हजारौं मानिस सम्पर्कविहीन छन्। उद्धारकर्ताहरूले भूकम्पमा घर भत्किएर पुरिएकी एकजना नवजात शिशुलाई मंगलबार उद्धार गरेका छन्।
समाचार संस्था एएफपीका अनुसार विद्रोहीहरूको नियन्त्रणमा रहेको सिरियाको उत्तरी सहर जिन्देरिसमा भत्किएको एउटा घरको भग्नावशेषबाट ती शिशुको उद्धार गरिएको हो। ती नवजात शिशुको परिवार बस्ने पाँच तले घर भूकम्पले ढलेको थियो।
उद्धारकर्ताहरूले शिशुलाई जन्म दिएलगत्तै उनकी आमाको पनि भूकम्पमा परी मृत्यु भएको हुनसक्ने बताएका छन्। ती शिशुकी आमासँगै बुवा र चार जना दाइ-दिदीहरू पनि भूकम्पमा बितेका छन्।
उद्धारकर्ताले उनलाई सालनाल नकाटिएको अवस्थामा फेला पारेका थिए। उनलाई आफन्तहरूले तत्काल अफ्रिन सहरमा रहेको अस्पतालमा पुर्याएका थिए। अहिले उपचार भइरहेकी ती नवजात शिशुको स्वास्थ्य अवस्था स्थिर छ।
डिल्लीरामलाई कारवाही गरिपाउँ भन्दै साइबर ब्यूरो पुगिन् करिश्मा
काठमाडौँ । पछिल्ला दिनमा नायिका करिश्मा मानन्धर आफ्नो विबादित अभिव्यक्तिका कारण मिडियामा छाइरहेकी छिन् । तर यतिबेला भने उनले कलकार डिल्लिराम खनालले राष्ट्रिय स्वतन्त्र पार्टीका सभापति रवि लामिछानेसँग आफ्नो जोडेर भ्रमपूर्ण हल्ला फैलाएको आरोप लगाउँदै उनी साइबर ब्यूरोमा निवेदन दिन पुगेकी छिन् ।
फिल्म ‘ह्यारी कि प्यारी’मा समेत अभिनय गरेका डिल्लीरामले रवि लामिछानेसँग अमेरिकामा ‘लिभिङ टूगेदर’मा बसेको भन्दै आधारहिन बयान दिएपछि नायिका मानन्धर साइबर ब्यूरोको सहयोग लिन पुगेकी हुन् । उनले सामाजिक संजालमा स्टाटस लेख्दै भनेकी धेरै सहेँ ।
कलाकार भएपनि सामाजिक व्यक्ति भएका कारण पनि सहनुपर्छ भनेर चुप लागेर बसे तर रविजीसँगको लिभिङ रिलिेसनसिप भनेर हल्ला नै फैलाएका डिल्लीरामविरुद्ध चुप लागेर बस्न नसकेपछि मैले प्रहरी गुहार्न बाध्य भएकी छु् ।
साइबर व्यूरोपछि अदालत पनि जाने बताएकी नायिका करिश्माले लेखेको स्टाटस यस्तो छ –‘उहाँ को हो, यो अत्ति भयो । भैहाल्यो भने । कलाकारलाई यस्तै भन्छन् भनेर सहे । हिजो साइबर ब्यूरोमा निवेदन हालेकी छु ।
हेरौं, नेपालको कानुन कत्तिको बलियो छ । प्रेम दाई भन्नुहोस्, म कसरी बसेको थिएँ । लिभिङ टूगेदर रु म हिन्दु हुँ । यो बिचारलाई नै विश्वास न गर्ने व्यक्ति हुँ । यो अत्ती भयो । म मेरो संसारमा खुशी छु ।’